အမြင်ဆိုတာ
ထင်သလောက်တော့
မကြည်လင်တတ်ပါဘူးခင်
အကြားဆိုတာ
နားကောင်းပေမယ့်
မှားတတ်ပါသေးတယ်ခင်
အသိဆိုတာ
ရှိသမျှပညာဉာဏ်
ကာရံထားသတဲ့ခင်
အတွေးဆိုတာ
ပြေးလွှားနေပေမယ့်
အဝေးမရောက်ပါဘူးခင်
အဲဒီပုတုဇဉ်လူသားရဲ့
အကြား အမြင် အသိနဲ့
တွေးခဲ့သမျှအခြေခံ
ဝေဖန်မှုအဆုံးဖြတ်ဟာ
ကန့်သတ်ဘောင်အပြင်ဘက်
ဖေါက်ထွက်ဖို့မရှိ
မသိခြင်းအဝိဇ္ဇာ
ခြုံလွှာအောက်ခိုရင်း
ငြင်းခုန်ကာအလုပ်ရှုတ်
မိုးချုပ်မယ့်တစ်ဘက်ကမ်းမှာ
လမ်းအခြေမသင့်သလို
ပန်းတွေမပွင့်နိုင်ဘူးတဲ့ခင်
No comments:
Post a Comment